Мадриднинг «Реал» клуби президенти Флорентино Перес 25 октябр куни «Барселона»га қарши бўлиб ўтадиган «Эл Класико»да қатнашмайди. Тhe Touchlinе хабарига кўра, бунга икки клуб ўртасида Негрейра иши сабаб сақланиб қолаётган келишмовчиликлар сабаб бўлган.
Шу тариқа, Перес «Камп Ноу» стадионидаги «Эл Класико»ни кетма-кет учинчи мавсум ўтказиб юборади. Бундан ташқари, клублар раҳбарият вакиллари иштирокида анъанавий тарзда ўтказиладиган ўйинолди тушлиги ҳам бекор қилинган.
Маълумот учун, «Эл Класико» Испания чемпионатининг 10-тури доирасида 25 октябр, якшанба куни бўлиб ўтади. Баҳс Тошкент вақти билан 26 октябрга ўтар кечаси соат 01:00 да бошланади.
Эслатиб ўтамиз, «Барселона» Ла Лига турнир жадвалида тўққизта баҳсдан кейин 27 очко билан пешқадамлик қилмоқда. «Реал» эса 21 очко билан учинчи ўринда бормоқда ва каталонияликлардан олти очко ортда қолган.
