Франциялик собиқ ҳимоячи, 1998 йилги Жаҳон чемпионати ғолиби Биксант Лизаразю нима сабабдан «Олтин тўп» мукофотини Ламин Ямал олиши кераклигини тушунтирди.
Мукофотни топшириш маросимига атиги бир ҳафта қолди. Тадбир 26 октябр куни Лондонда бўлиб ўтади.
«Мен ўз мезонларимга амал қилишга ҳаракат қиламан. Биринчи мезон — жамоавий ютуқлар. Ортимизда Чемпионлар лигаси ва Жаҳон чемпионати каби иккита муҳим мусобақани ўз ичига олган мавсум турибди. Шунинг учун асосий даъвогарлар қаторида Хвича Кварацхелия, Ламин Ямал ва Усмон Дембеле бўлади.
Иккинчи мезон — майдондаги даҳолик. Бу борада мен учун фақат бир номзод қолади — Ямал. Унинг сўнгги пайтларда кўрсатаётган ўйинига қаранг... Унинг савияси янада ошди.
Ҳа, у 2026 йилги мундиалда фавқулодда натижа кўрсата олмади, аммо барибир жаҳон чемпиони ва феноменал футболчи», — дея Лизаразюнинг сўзларини келтиради Actu Foot.
Ўтган йили «Олтин тўп» соврини Усмон Дембелега насиб этган, Ламин Ямал эса овоз бериш натижаларига кўра иккинчи ўринни эгаллаганди.
Лизаразю «Олтин тўп»ни Ямал ютиши кераклигини икки мезон бўйича изоҳлади
Футбол
19 октябр, 08:30
33
Франциялик собиқ ҳимоячининг фикрича, соврин айнан испаниялик вингерга берилиши керак.
Foto: Getty Images
Мухлислар бу янгиликни Telegram’да муҳокама қилмоқда
Изоҳлар Telegram’да очилади