Япониянинг Аичи-Нагоя шаҳрида ўтказилаётган Пара Осиё ўйинларининг илк куни Ўзбекистон учун медалларга бой бўлмоқда.
Пара енгил атлетика беллашувларида эркаклар ўртасида F35 классида ядро улоқтириш финалида иштирок этган Ҳусниддин Норбеков 16,04 метр натижа қайд этиб, биринчи ўринни эгаллади ва Ўзбекистон делегацияси ҳисобига навбатдаги олтин медални қўшиб қўйди.
Аёллар ўртасида F32 классида клаб улоқтириш финалида иштирок этган Маҳлиё Акрамова 24,08 метр натижа билан биринчи ўринни эгаллаб, Пара Осиё ўйинлари рекордини ўрнатди.
F37 тоифасида ядро улоқтириш баҳсларида эса Ўзбекистон вакиллари олтин ва кумуш медалларга эга чиқишди. Қудратилло Маъруфхўжаев 16,66 метр натижа билан олтин медалга сазовор бўлди ва Пара Осиё ўйинлари рекордини ўрнатди. Толиббой Йўлдошев эса 15,79 метр натижа билан кумуш медални қўлга киритди.
Шунингдек, эркаклар ўртасида Т47 классида узунликка сакраш финалида иштирок этган Омадбек Ҳасанов 6,99 метр натижа қайд этиб, кумуш медал тақдим этди.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади