«Интер Майами» ҳужумчиси Лионел Месси 2026 йилги Астурия маликаси мукофотини олиш учун Испанияга етиб келди. Infoabe хабарига кўра, 38 ёшли футболчи рафиқаси Антонелла Рокуззо билан Овиедо шаҳрига келган.
Маҳаллий вақт билан соат 10:25 да қўнган самолётдан тушган Месси кейин меҳмонхонага йўл олган. Унинг келишини кўплаб мухлислар кутиб олган. Футболчи улар билан вақт ўтказиб, дастхатлар тарқатган, футболкаларга имзо қўйган ва мухлислар билан суратга тушган.
Маълумот учун, Месси 2026 йилда Астурия маликаси мукофотининг «Спорт» йўналишида ғолиб деб топилган.
Эслатиб ўтамиз, тақдирлаш маросими 23 октябр куни Оведодаги Кампоамор театрида бўлиб ўтади. Мукофотни футболчига малика Леонор топширади.
