«Бавария» клуби яримҳимоячи Луис Диаснинг Чемпионлар лигаси доирасида «Арсенал»га қарши баҳсда олган жароҳати ҳақида расмий маълумот берди. Мюнхенликлар тиббий текширув натижасида футболчининг чап сони орқа қисмидаги мушак толаларида кичик йиртилиш аниқланганини билдирди.
29 ёшли колумбиялик футболчининг майдонга қачон қайтиши ҳозирча маълум эмас.
Маълумот учун, Диас «Арсенал»га қарши баҳсда иккинчи бўлим ўрталарида майдонга тушган, бироқ ўйинни охиригача давом эттира олмаган. У 90-дақиқада жароҳати сабаб захирага олинган.
Эслатиб ўтамиз, «Бавария» ва «Арсенал» ўртасидаги Чемпионлар лигаси баҳси 2:2 ҳисобида якунланган.
