«Рома» ҳимоячи Уэсли ҳам Англия Премер-Лигаси жамоаларининг эътиборини тортмоқда. Бу ҳақда Football Insider нашри хабар берди.
Манбага кўра, бразилиялик 23 ёшли футболчига «Манчестер Юнайтед», «Арсенал» ва «Нюкасл» қизиқиш билдирмоқда.
Бироқ трансфернинг амалга ошиши молиявий масалаларга боғлиқ бўлиши мумкин. Хабарда таъкидланишича, «Рома» ўз ҳимоячисини тахминан 60 миллион евро деб баҳоламоқда. Бундай қиймат эҳтимолий харидорлар учун жиддий молиявий мажбуриятни англатади.
Уэсли бу мавсумда барча турнирлар доирасида саккизта учрашувда иштирок этиб, битта голли узатма муаллифи бўлган. Бразилиялик футболчининг «Рома» билан шартномаси 2030 йилнинг ўрталаригача амал қилади.
