Тебас: «Олтин тўп»ни яна Родри олишини истайман, аммо Мбаппега ҳам қаршилигим йўқ»

Ла Лига президенти Хавиер Тебас «Реал» ҳужумчиси Килиан Мбаппенинг «Олтин тўп»ни қўлга киритиш имкониятларига баҳо берди.

France Football талқинига кўра, йилнинг энг яхши футболчисини тақдирлаш маросими 26 октябр куни Лондонда бўлиб ўтади.

— Ла Лига ва «Реал» юлдузи ҳақида гаплашайлик. Килиан Мбаппе лига имижи нуқтайи назаридан қандай ҳисса қўшди?

— Мбаппе — дунёнинг энг яхши футболчиларидан бири. У — жаҳон миқёсидаги юлдуз, феноменал футболчи. У ўз жамоаси ва бутун лиганинг ривожланишига, улкан ҳисса қўшмоқда.

— Унинг «Олтин тўп»ни қўлга киритишини истармидингиз?

— Родри ўз ютуғини такрорлашини истардим, аммо «Олтин тўп»ни Мбаппе қўлга киритса ҳам, бунга қарши бўлмайман. Имкониятлар жуда тенг. Агар Мбаппе ғолиб бўлса, ҳайрон қолмайман. Менимча, бу мукофот унга муносиб равишда берилган бўлади, — дея Тебаснинг сўзларини келтиради LʼEquipe.