Франциянинг «Пари Сен-Жермен» клуби раҳбарияти жамоанинг грузиялик қанот ҳимоячиси Хвича Кварацхелия билан янги узоқ муддатли меҳнат шартномасини тузишга қарор қилди. Бу ҳақда франциялик инсайдер Фабрис Хокинс ижтимоий тармоқларда хабар бермоқда.
Манба маълумотларига кўра, 25 ёшли футболчининг Париж гранди билан янги шартномаси 2032 йилнинг ёзига қадар мўлжалланган бўлиши кутилмоқда.
Тиббий штаб футболчининг «Барселона»га қарши ўйинда (4:2) олган жароҳати тасдиқланганидан сўнг, парижликлар раҳбарияти ҳамкорлик муддатини узайтириш бўйича мулоқотни бошлади. Бундай ҳаракат билан клуб футболчисига максимал ишонч билдиришга ва вингерни тикланиш даврида руҳий қўллаб-қувватлашга қарор қилди.
Дастлабки маълумотларга кўра, янгиланган шартнома Кварацхелияни жамоанинг энг кўп маош оладиган футболчиларидан бирига айлантиради ва у «ПСЖ»да ойлик миқдори бўйича ТОП-3га киради.
