Бруну Фернандеш УЕФА Чемпионлар Лигасида «Комо»га қарши баҳсда Майкл Кэррикнинг пассив тактикасини очиқчасига танқид қилди.
Англиянинг «Манчестер Юнайтед» клуби Бруну Фернандеш УЕФА Чемпионлар Лигаси умумий босқич 3-тури доирасида Италиянинг «Комо» жамоасига қарши беллашувда мураббий Майкл Кэррик танлаган ҳимоявий тактикага шубҳа билан қарашини яшириб ўтирмади. Манчестерликлар бироз аввал якунланган баҳсда 1:4 ҳисобида имкониятни бой беришди.
«Бу мураббийлар штабининг қарори эди — персонал прессингни ишга солмаслик, баъзан ортда бўш зоналар қолдириш, рақибни пойлаб, кейингина тўпни олиб қўйишга ҳаракат қилиш. Бироқ баъзан бундай жамоаларга эркинлик тақдим этсанг, улар ўз кучига ишона бошлайди.
Шаҳсан мен Кэррик тактика борасида хатога йўл қўйди, деб ҳисоблайманми? Бундай нарсаларни муҳокама қилиш бош мураббий ва унинг штаби ваколатига киради, меники эмас. Аммо баъзида босим остида жамоа дадилроқ ҳаракат қилиши керак: онгли равишда таваккал қилиш, юқори босим ўтказиш ва рақибни майдонда иложи борича ноқулай аҳволга солишга ҳаракат қилиш», — деди Фернандеш TNT Sports эфирида.
