«Лион» спорт директори Матё Луи-Жан форвард Карим Бенземанинг ўзининг собиқ клубига қайтиши мумкинлиги ҳақидаги миш-мишларни рад этди.
Унинг сўзларига кўра, ушбу трансфер ҳеч қачон амалга ошишга яқин бўлмаган, ижтимоий тармоқларда тарқалган хабарлар эса шунчаки шов-шув бўлиб чиққан.
«Бенземанинг қайтиши амалга ошишга яқин бўлганмиди? Йўқ, бу ҳеч қачон амалга ошишга яқин бўлмаган. Албатта, мен ҳам сизлар каби ижтимоий тармоқларда тарқалган гапларни эшитдим.
Унинг Саудия Арабистонидаги шартномасидан чиқиши билан боғлиқ муаммо бўлганини биламан. Аммо йўқ, бу ҳақиқатдан кўра кўпроқ шов-шув эди. Ҳар қандай ҳолатда ҳам, ушбу трансферни амалга ошириш мумкин бўлган деб ўйламайман», — деди Луи-Жан.
Эслатиб ўтамиз, Бензема «Ал Ҳилол» билан шартномани бекор қилганидан бери эркин агент мақомида.
