UFC'нинг енгил вазн тоифасидаги чемпиони, россиялик Пётр Ян америкали Шон О’Мэлли билан реванш жанги ўтказишга тайёр эканини айтди. Бироқ у кейинги рақибни танлаш бўйича якуний қарор матчмейкерлар томонидан қабул қилинишини таъкидлади.
«Нега энди йўқ? Жиддий айтяпман, бизнинг ўртамизда муайян тарих бор. Шундай экан, нега яна жанг қилмаслигимиз керак? У ҳозир очиқчасига ғалаба қозонмоқда ва ўзини жуда яхши кўрсатяпти. Шон олдинга ҳаракат қилмоқда ва чемпионлик камари учун курашиши керак бўлган кейинги даъвогар ёки даъвогарлардан бири эканини аниқ исботлади. Аммо бу унинг жангларини томоша қилиб, улардан ҳайратда қоляпман, дегани эмас. У шунчаки тўғри йўлдан кетмоқда.
Ким чемпионлик камарига лойиқ эканини билмайман. Кучли бешликда мен аввал ҳам жанг қилган кўплаб спортчилар бор. Матчмейкерлар кимни рақиб қилиб белгилашса, ўша билан уришаман. Ўзимга рақиб танламайман — кимни белгилашса, ўша билан октагонга чиқаман», — дея Яннинг сўзларини келтиради MMA Fighting портали.
Жангчилар илк бор 2022 йили тўқнаш келишган ва унда О'Мэлли ҳакамларнинг бўлинган қарори билан ғалаба қозонган.
Ян О'Мэлли билан реванш ҳақида: «Нега энди йўқ?»
MMA
21 октябр, 15:00
Шу билан бирга россиялик чемпион кейинги рақибини ўзи танламаслигини айтди.
Foto: Getty Images
