«Манчестер Сити» яримҳимоячиси Фил Фоден Чемпионлар лигасида ҳафтанинг энг яхши футболчиси деб эътироф этилди.
«Шаҳарликлар» футболчиси Чемпионлар лигаси умумий босқичи 3-турида АЕКга қарши учрашувда (5:1) учта гол уриб, битта голли узатмани амалга оширди.
Овоз бериш жараёнида Фоден «Комо» яримҳимоячиси Нико Пас, «Ливерпул» футболчиси Рио Нгумоа ва «Наполи» яримҳимоячиси Скотт Мактоминайни ортда қолдирди.
Маълумот учун, Фил бу мавсумда барча мусобақалар доирасида саккизта учрашувда иштирок этиб, тўртта гол ва учта голли узатма муаллифи бўлди.
Футболчининг «Манчестер Сити» билан амалдаги шартномаси 2030 йилнинг ёзига қадар мўлжалланган. Transfermarkt портали маълумотларига кўра, унинг бозор қиймати 65 миллион еврони ташкил этади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади