«Реал» вингери Винисиус Жуниорнинг вакилларидан бири Майкл Ёрмарк футболчининг ўтган ёзда «Арсенал»га ўтиш имкониятини жиддий кўриб чиққанини маълум қилди. Унинг сўзларини The Touchlinе нашри Х ижтимоий тармоғида келтирди.
«У «Арсенал» таклифини жиддий кўриб чиқдими? Албатта. «Арсенал» каби клуб сени катта иштиёқ билан кутиб олиб, ўзингни ҳақиқатан ҳам керакли футболчи сифатида ҳис қилишингга сабаб бўлса, бундай таклифни тинглашга тўғри келади.
Аммо Винининг юраги Мадридда. У доимо шу ерда бўлишни истаган ва фаолиятининг қолган қисмини ҳам шу ерда ўтказишга умид қилмоқда», — деди Ёрмарк.
Маълумот учун, Винисиус ўтган ёзда «Реал» сафида қолишга қарор қилган ва клуб билан янги шартнома имзолаган.
Эслатиб ўтамиз, бразилиялик футболчининг «Реал» билан келишуви 2032 йилгача мўлжалланган.
