Англиялик ўнг қанот ҳимоячиси Трент Александер-Арнолднинг «Реал»даги фаолияти ёмон кечмоқда. Футболчи жамоанинг асосий таркибидан мустаҳкам ўрин эгаллай олмаяпти.
«Севиля»га (4:1) қарши ўтган сўнгги учрашувда Жозе Моуринио ҳимоянинг ўнг қанотида Трент Александер-Арнолдга эмас, уругвайлик Федерико Валвердега ишонч билдирди.
Teamtalk нашри хабар беришича, бундай вазият 28 ёшли футболчининг «Ливерпул»га қайтиши учун йўл очиши мумкин. Унинг трансфери келаси йили амалга ошиши эҳтимолдан холи эмас. «Қизиллар» сафида Александер-Арнолд ўзини дунёнинг энг яхши ўнг қанот ҳимоячиларидан бири сифатида намоён этган.
Трентнинг «Реал» билан шартномаси 2031 йилгача амал қилади. Унинг трансфер қиймати 60 миллион еврога баҳоланмоқда.
Трент «Ливерпул»га қайтиши мумкин
Футбол
19 октябр, 10:53
Ҳимоячи «Реал» асосий таркибидан мунтазам жой ололмаяпти.
Foto: Getty Images
