«Барселона» клуби ҳимоячи Алехандро Балденинг туғилган куни муносабати билан ижтимоий тармоқларда табрик эълон қилди. 18 октябр куни 23 ёшга тўлган футболчи ушбу мавсумда деярли ўйин амалиётига эга бўлмаяпти.
Бальде 2026/27 йилги мавсумда фақат бир марта майдонга тушган. Сентябр ойи ўрталарида «Расинг»га қарши баҳсда у финал ҳуштагигача 12 дақиқа ўйнаган.
«Туғилган кунинг билан, Балде! Сен билан ҳали олис сафарларимиз бор» — дейилади каталонияликлар клубининг ижтимоий тармоқлардаги табригида.
Аввалроқ «Барселона» бош мураббийи Ҳанс-Дитер Флик ҳимоячининг вазияти мураккаб эканини тан олганди.
Маълумот учун, Балде «Барселона» тарбияланувчиси ҳисобланади ва жамоанинг чап қанот ҳимоясида ўйнайди.
Эслатиб ўтамиз, «Барселона» 2026/27 йилги мавсумда ўтказган 11 та баҳснинг барчасида ғалаба қозонган. Каталонияликларни олдинда «ПСЖ» ва «Реал»га қарши муҳим беллашувлар кутмоқда.
