Испания миллий жамоаси ва «Барселона» яримҳимоячиси Дани Олмо «Бавария»нинг диққат марказида турибди. Инсайдер Экрем Конурнинг ижтимоий тармоқларда хабар беришича, мюнхенликлар ҳозирча футболчини қишки трансфер ойнасида сотиб олишга уриниш ёки уринмаслик борасида якуний қарорга келмаган.
Олмога Англия Премер-лигасининг икки клуби — «Челси» ва «Тоттенҳэм» ҳам қизиқиш билдирмоқда. Шу сабабли испаниялик футболчининг келажаги трансфер бозоридаги муҳокама мавзуларидан бирига айланиши мумкин.
28 ёшли яримҳимоячи 2024 йилнинг ёзидан буён «Барселона» сафида ўйнаб келмоқда. Унинг каталонияликлар билан амалдаги шартномаси 2030 йил июн ойи охиригача мўлжалланган.
Маълумот учун, Тransfermarkt портали Олмонинг бозор қийматини 60 миллион еврога баҳоламоқда.
