Мадриднинг «Реал» клуби яримҳимоячиси Жуд Беллингҳэм келажакда бошқа Европа чемпионатида, хусусан, Англия Премер-лигасида тўп суришни хоҳламоқда. ТEAMtalk хабарига кўра, бу инглиз футболчисининг узоқ йиллик мақсадларидан бири ҳисобланади.
Манбада таъкидланишича, Беллингҳэм фаолияти давомида ҳали Премер-лигада ўйнамаган ва келажакда ушбу чемпионатда ўзини синаб кўришни истайди. Бироқ бу режа яқин вақт ичида амалга ошиши кутилмаяпти. Ҳозирда 23 ёшли футболчи бор эътиборини «Реал» сафидаги ўйинларига қаратган.
Беллингҳэмнинг мадридликлар билан амалдаги шартномаси 2029 йил июн ойи охиригача мўлжалланган. Тransfermarkt портали унинг бозор қийматини 160 миллион еврога баҳоламоқда.
Маълумот учун, Беллингҳэм 2023 йилда Дортмунднинг «Боруссия» клубидан «Реал»га ўтган.
Эслатиб ўтамиз, инглиз яримҳимоячиси «Реал» сафида Испания чемпионати ва Европа миқёсидаги мусобақаларда иштирок этиб келмоқда.
