«Бавария» спорт директори Макс Эберл бош мураббий Венсан Компани Чемпионлар Лигаси умумий босқичининг 3-тур доирасидаги «Арсенал»га қарши учрашувда жамоани захира ўриндиғидан бошқара олишига умид билдирди.
«Чоршанба куни бу бўйича муаммо бўлмайди деб ўйлайман», — дея Эберлнинг сўзларини келтиради L’Équipe нашри. Эслатиб ўтамиз, белгиялик мутахассис вирусли инфекцияга чалинганига қарамай Бундеслиганинг 6-туридан ўрин олган «Лейпциг»га қарши (6:1) учрашувда иштирок этганди. Бундан ташқари, Компани сон қисмидан енгил жароҳат олган.
Ўйин давомида мураббий ўрнидан турмаган ва учрашув воқеаларига босиқлик билан муносабат билдирган. Жамоани бошқаришда унинг ёрдамчилари фаолроқ иштирок этган. Шунингдек, Компани «Лейпциг»га қарши баҳсдан кейинги матбуот анжуманида қатнашмаганди.
Маълумот ўрнида, мюнхенликлар Бундеслиганинг 6-туридан кейин 14 очко билан турнир жадвалида пешқадамлик қилмоқда.
