Пролиганинг 23-турида «Орол» «Жайхун»ни 2:0 ҳисобида мағлуб этди. Ушбу ғалабадан сўнг нукусликлар 58 очко жамғариб, муддатидан аввал Пролига чемпионлигини қўлга киритди ва Суперлигага йўлланмани таъминлади.
17-дақиқада Асадбек Мустафақулов автогол муаллифига айланди. 83-дақиқада Марк Краснов яна бир гол уриб, «Орол»нинг ғалабасини мустаҳкамлади.
Маълумот учун, Нукуснинг «Орол» жамоаси Ўзбекистон олий дивизионида охирги марта 2001 йилги мавсумда иштирок этган. Шундан сўнг жамоа қуйи лигаларда тўп тепган. Шу тариқа, 2026 йилда нукусликлар 25 йиллик танаффусдан кейин мамлакатнинг энг юқори дивизионига қайтиш имкониятини қўлга киритди.
Пролига. 23-тур
Орол — Жайхун 2:0
Голлар: Мустафақулов 17 (автогол), Краснов 83.
Орол: Ахроров, Мусаев, Аразов, Кутибаев, Алижанов, Қалмағамбетов, Козлов, Жалолов, Куанишбаев, Мухторов, Номозов.
Жайхун: Избасканов, Мустафақулов, Маратов, Дарябаев, Калбаев, Сдиков, Кеўнимжаев, Ибраимов, Отажонов, Рустамжонов, Жўрақулов.
Мухлислар бу янгиликни Telegram’да муҳокама қилмоқда
Изоҳлар Telegram’да очилади