Proliganing 23-turida «Orol» «Jayxun»ni 2:0 hisobida mag‘lub etdi. Ushbu g‘alabadan so‘ng nukusliklar 58 ochko jamg‘arib, muddatidan avval Proliga chempionligini qo‘lga kiritdi va Superligaga yo‘llanmani ta’minladi.
17-daqiqada Asadbek Mustafaqulov avtogol muallifiga aylandi. 83-daqiqada Mark Krasnov yana bir gol urib, «Orol»ning g‘alabasini mustahkamladi.
Ma’lumot uchun, Nukusning «Orol» jamoasi O‘zbekiston oliy divizionida oxirgi marta 2001-yilgi mavsumda ishtirok etgan. Shundan so‘ng jamoa quyi ligalarda to‘p tepgan. Shu tariqa, 2026-yilda nukusliklar 25 yillik tanaffusdan keyin mamlakatning eng yuqori divizioniga qaytish imkoniyatini qo‘lga kiritdi.
Proliga. 23-tur
Orol — Jayxun 2:0
Gollar: Mustafaqulov 17 (avtogol), Krasnov 83.
Orol: Axrorov, Musayev, Arazov, Kutibayev, Alijanov, Qalmag‘ambetov, Kozlov, Jalolov, Kuanishbayev, Muxtorov, Nomozov.
Jayxun: Izbaskanov, Mustafaqulov, Maratov, Daryabayev, Kalbayev, Sdikov, Keo‘nimjayev, Ibraimov, Otajonov, Rustamjonov, Jo‘raqulov.
Muxlislar bu yangilikni Telegram’da muhokama qilmoqda
Izohlar Telegram’da ochiladi