«Barselona» klubi himoyachi Alexandro Baldening tug‘ilgan kuni munosabati bilan ijtimoiy tarmoqlarda tabrik e’lon qildi. 18-oktyabr kuni 23 yoshga to‘lgan futbolchi ushbu mavsumda deyarli o‘yin amaliyotiga ega bo‘lmayapti.
Balde 2026/27-yilgi mavsumda faqat bir marta maydonga tushgan. Sentabr oyi o‘rtalarida «Rasing»ga qarshi bahsda u final hushtagigacha 12 daqiqa o‘ynagan.
«Tug‘ilgan kuning bilan, Balde! Sen bilan hali olis safarlarimiz bor» — deyiladi kataloniyaliklar klubining ijtimoiy tarmoqlardagi tabrigida.
Avvalroq «Barselona» bosh murabbiyi Hans-Diter Flik himoyachining vaziyati murakkab ekanini tan olgandi.
Ma’lumot uchun, Balde «Barselona» tarbiyalanuvchisi hisoblanadi va jamoaning chap qanot himoyasida o‘ynaydi.
Eslatib o‘tamiz, «Barselona» 2026/27-yilgi mavsumda o‘tkazgan 11 ta bahsning barchasida g‘alaba qozongan. Kataloniyaliklarni oldinda «PSJ» va «Real»ga qarshi muhim bellashuvlar kutmoqda.
