Madridning «Real» klubi bosh murabbiyi Joze Mourinio Ispaniya chempionati doirasida «Sevilya» bilan o‘yindan oldin jamoaning holati haqida gapirdi.
«Jamoa o‘zini qanday his qilmoqda? Charchagan. Biroq biz bo‘lajak o‘yinga tayyor bo‘lamiz. Bizda variantlar bor va zarurat tug‘ilgan taqdirda o‘zgarishlar qilishimiz mumkin», — deya Mourinio so‘zlaridan iqtibos keltiradi Madrid Xtra.
Ma’lumot uchun, yakshanba, 18 oktyabr kuni madridliklar o‘z uyida, «Santyago Bernabeu» stadionida «Sevilya»ni qabul qiladi. Bellashuv Toshkent vaqti bilan 23:59da start oladi.
Eslatib o‘tamiz, 8-turdan keyin 18 ochko jamg‘argan Joze Mourinio shogirdlari La Liga musobaqa jadvalida 4-o‘rinni band etib turibdi.
