Лондоннинг «Арсенал» клуби бош мураббийи Микел Артета жамоа ҳужумчиси Кай Ҳаверц бир мавсумда 25–30 та гол уриш имкониятига эга эканини таъкидлади.
«Ҳа. Ҳаверц юқори савияли ҳужумчи бўлиш салоҳиятига эга. Айнан шу сабабли у ушбу позицияда ўйнамоқда. «Арсенал» уни шунинг учун сотиб олган», — дея испаниялик мутахассиснинг сўзларини инсайдер ижтимоий тармоқларда келтирди.
27 ёшли германиялик футболчи ушбу мавсум Англия Премер-лигасида олтита баҳсда майдонга тушиб, иккита гол урди.
Маълумот учун, Ҳаверц 2023 йилда «Челси»дан «Арсенал»га ўтган.
Эслатиб ўтамиз, Премер-лиганинг дастлабки олти туридан кейин «Арсенал» 15 очко билан турнир жадвалида иккинчи ўринда бормоқда.
