Германия миллий жамоаси ва Дортмунднинг «Боруссия» клуби яримҳимоячиси Феликс Нмеча Англия Премер-лигасининг топ-клубларидан бирига ўтиши мумкин. Журналист Экрем Конур маълумотига кўра, «Ливерпул» 26 ёшли футболчини трансфер мақсадлари рўйхатига киритган.
Манбанинг ёзишича, мерсисайдликлар «Борнмут» яримҳимоячиси Алекс Скоттни сотиб олишнинг уддасидан чиқа олмаса, Нмеча номзодига мурожаат қилиши мумкин.
Нмечанинг «Боруссия» билан амалдаги шартномасида 80 миллион евро миқдоридаги товон пули белгиланган. Ушбу банд июн ойи охиригача амал қилади. Футболчининг клуб билан шартномаси эса 2030 йил июн ойи охиригача мўлжалланган.
Маълумот учун, Нмеча ушбу мавсум Германия Бундеслигасида олтита баҳсда майдонга тушиб, иккита гол урган.
