Дортмунднинг «Боруссия» клуби вингери Матис Алберт Лондоннинг «Челси» клуби қизиқишлари доирасида қолмоқда. Инсайдер Экрем Конур ижтимоий тармоқларда хабар беришича, инглиз клуби 17 ёшли футболчини анчадан бери кузатиб келмоқда.
Манбага кўра, «Челси» Албертни январ ойидаёқ сотиб олишга уринган, бироқ Германия клуби футболчини ўз таркибида сақлаб қолишга қарор қилган. Шу сабабли трансфер келаси ёзда, футболчи 18 ёшга тўлганидан кейингина амалга ошиши мумкин.
Маълумот учун, Албертнинг «Боруссия» билан амалдаги шартномаси 2027 йил июн ойи охирида якунланади. Тransfermarkt портали унинг бозор қийматини 5 миллион еврога баҳоламоқда.
