BBC журналистлари Англия Премер-лигаси тарихидаги энг яхши захира футболчилар рейтингини эълон қилди. Рўйхатнинг биринчи поғонасидан Лондоннинг «Тоттенҳэм» клубида тўп сурган собиқ ҳужумчи Жермейн Дефо жой олди.
Иккинчи ўринни «Арсенал» сафидаги ўйинлари билан танилган нигериялик Нванкво Кану эгаллади. Кучли учликка эса «Манчестер Юнайтед»нинг собиқ ҳужумчиси Оле-Гуннар Сулшер якун ясади.
Тўртинчи поғонадан «Манчестер Сити» сафида ўйнаган босниялик ҳужумчи Эдин Жеко жой олди. Бешинчи ўринни эса «Манчестер Юнайтед» ва «Вест Ҳэм» клубларида тўп сурган мексикалик Хавер Эрнандес эгаллади.
Маълумот учун, рейтингни тузишда захирадан майдонга тушган футболчиларнинг урган голлари, шунингдек, ушбу голлар ва голли узатмаларнинг умумий натижалардаги улуши ҳисобга олинган.
