Мадриднинг «Реал» клуби ҳужумкор яримҳимоячиси Жуд Беллингҳэм жамоа сафида 150 та баҳс ўтказганига муносабат билдирди. Англиялик футболчи ушбу натижадан хурсанд ва фахрланишини таъкидлади.
«Мен жуда бахтлиман ва бундан фахрланаман. Ушбу клуб сафида ўйнаш доимо ёқимли. Умид қиламанки, бу ерда яна кўп йиллар тўп тепаман», — дея Беллингҳэмнинг сўзларини Маdrid Zonе келтирмоқда.
Маълумот учун, Беллингҳэм 2023 йилдан буён «Реал» шарафини ҳимоя қилиб келмоқда. У шу вақт ичида 150 та баҳсда майдонга тушиб, 49 та гол урган ва 36 та голли узатмани амалга оширган.
Эслатиб ўтамиз, англиялик футболчининг «Реал» билан амалдаги шартномаси 2029 йилнинг ўрталаригача мўлжалланган. Кутилишича, яқин вақт ичида томонлар янги шартнома борасида келишувга эришиши мумкин.
