«Милан» бош мураббийи Рубен Аморим жамоа футболчиларида қандай фикрлаш тарзи бўлиши кераклиги ҳақида гапирди. Унинг фикрича, ҳар бир футболчи асосий таркибда майдонга тушиш имкониятига ишониши, шу билан бирга, ўз ўрнини йўқотиши мумкинлигини ҳам тушуниши лозим.
«Ҳар бир футболчи асосий таркибда ўйнай олишига ишониши керак. Бироқ айни пайтда ҳар ким таркибдаги ўрнини йўқотиши мумкинлигини ҳам билиши зарур. Шу сабабли бутун мавсум давомида ўзаро рақобатлаша оладиган 22 нафар футболчига эҳтиёжимиз бор», — дея Аморимнинг сўзларини Мilan Wirе нашри келтирмоқда.
Маълумот учун, Италия А Сериясининг олти туридан кейин «Милан» 12 очко билан турнир жадвалида олтинчи ўринни эгаллаб турибди.
Эслатиб ўтамиз, Аморим шогирдлари навбатдаги баҳсни 18 октябр куни ўз майдонида «Аталанта»га қарши ўтказади. Беллашув Тошкент вақти билан 21:00 да бошланади.
