«Милан»нинг қанот футболчиси Алфажо Сиссе Европа Лигаси умумий босқич 2-тури доирасида «Ред Булл Зальцбург» (4:0) билан баҳсда хет-трикка эришди. Бундай натижани у 19 ёш ва 358 кунлигида қайд этди.
Статистика портали Opta Sport хабарига кўра, Сиссе еврокубок баҳсида 3 та гол уришга муваффақ бўлган энг ёш италияликка айланган. Аввалги ютуқни атиги икки кун олдин «Брюгге»нинг италиялик-немис ҳужумчиси Николо Трезолди ўрнатган эди. Сешанба куни у 22 ёшу 54 кунлигида УЕФА Чемпионлар лигаси доирасида «Интер»га қарши ўйинда (4:3) хет-трик қайд этди.
Маълумот учун, Трезолдининг муваффақиятидан аввал мазкур рекорд италиялик машҳур собиқ ҳужумчи Алессандро Дел Перога тегишли эди. У 1997/1998-йилги мавсум Чемпионлар Лигаси яримфиналида «Монако» дарвозасини (4:1) 23 ёш ва 144 кунлигида уч бор ишғол этишга муваффақ бўлган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади