«Манчестер Юнайтед» бош мураббийи Майкл Кэррик тез орада ишдан бўшатилиши мумкин.
The Touchline нашрининг хабар беришича, 45 ёшли мутахассис лавозимни сақлаб қолиш учун Премер-лига 7-тури доирасидаги «Лидс»га қарши ўйинда ғалаба қозониши шарт. Баҳс бугун, 18 октябр куни бўлиб ўтади ва Тошкент вақти билан соат 18:00да старт олади.
«Қизил иблислар» Англия чемпионати турнир жадвалида олти турдан сўнг олтита очко билан 14-ўринни эгаллаб турибди. Майкл Кэррик шу йилнинг январ ойида ишдан бўшатилган Рубен Аморим ўрнига жамоа бошқарувини ўз қўлига олган эди. Ёзда англиялик собиқ футболчи клуб билан шартномани 2028 йилгача узайтирган.
Маълумот учун, «Лидс» ана шу 6 турда 9 очко жамғариб, 8-поғонани эгаллаб турибди. Ўз навбатида, Дэниэл Фарке шогирдлари ғалаба қозонган тақдирда, 5-ўриндаги «Ливерпул»га етиб олишади.
