«Manchester Yunayted» bosh murabbiyi Maykl Kerrik tez orada ishdan bo‘shatilishi mumkin.
The Touchline nashrining xabar berishicha, 45 yoshli mutaxassis lavozimni saqlab qolish uchun Premer-liga 7-turi doirasidagi «Lids»ga qarshi o‘yinda g‘alaba qozonishi shart. Bahs bugun, 18-oktyabr kuni bo‘lib o‘tadi va Toshkent vaqti bilan soat 18:00da start oladi.
«Qizil iblislar» Angliya chempionati turnir jadvalida olti turdan so‘ng oltita ochko bilan 14-o‘rinni egallab turibdi. Maykl Kerrik shu yilning yanvar oyida ishdan bo‘shatilgan Ruben Amorim o‘rniga jamoa boshqaruvini o‘z qo‘liga olgan edi. Yozda angliyalik sobiq futbolchi klub bilan shartnomani 2028-yilgacha uzaytirgan.
Ma’lumot uchun, «Lids» ana shu 6 turda 9 ochko jamg‘arib, 8-pog‘onani egallab turibdi. O‘z navbatida, Deniel Farke shogirdlari g‘alaba qozongan taqdirda, 5-o‘rindagi «Liverpul»ga yetib olishadi.
