Italiyalik murabbiy Antonio Konte vakillari «Manchester Yunayted» rahbariyati bilan aloqalarni qayta tikladi. Bu haqda TEAMtalk xabar berdi.
Ma’lum qilinishicha, Konte «qizil iblislar» safida zudlik bilan ish boshlashga tayyor. U o‘tgan mavsum yakunida «Napoli»ni tark etganidan buyon ishsiz qolmoqda.
Qayd etilishicha, mutaxassis mavsum o‘rtasida ham ish boshlashga rozi. Konte so‘nggi intervyusida katta tarixga ega va avvalgi darajasiga qaytishni istagan klubni boshqarishga tayyorligini bildirgan edi.
Biroq italiyalik murabbiy tayinlangan taqdirda, qishki transfer oynasida jamoani uch nafar yangi futbolchi bilan kuchaytirishni talab qiladi.
Ma’lumot o‘rnida, «qizil iblislar» bu mavsum APLning 6 ta uchrashuvida atigi 6 ochko jamg‘ardi. Jamoa Liga kubogida «Brayton»ga mag‘lub bo‘lib, musobaqani tark etdi. Shuningdek, Chempionlar Ligasida «Atletiko»dan mag‘lubiyatga uchradi.
Eslatib o‘tamiz, Konte 2026 yil yozida ham «Manchester Yunayted» bosh murabbiyligiga qiziqish bildirgandi. Biroq o‘shanda INEOS rahbariyati Maykl Kerrikka bo‘lgan ishonchini saqlab qolgan.
