Дунёнинг олтинчи ракеткаси, полшалик теннисчи Ига Швёнтек Хитойнинг Уҳан шаҳрида «минглик» тоифасидаги турнир яримфиналига изоҳ бериб ўтди. Ига ҳамюрти Майя Хвалинскага (рейтингда 22-ўрин) 5:7, 1:6 ҳисобида имкониятни бой бериб қўйди.
«Турнир бошиданоқ менинг хочсимон мушагимда оғриқ бор эди. Мен кундан-кунга ушбу жароҳат билан курашиб келдим. Биринчи даврада Магда билан ўйиндан сўнг, биз мусобақани тарк этиш ҳақида ўйлаётгандик, лекин одатдагидек ўйнай олганим учун давом эттиришни истадим.
Биз вазият бундан ёмон бўлмаслигини билардик, шунинг учун бу вазиятда шунчаки эътиборни бошқа томонга қаратишга ҳаракат қилдик. Аммо бугун кўп нарса содир бўлди. Ва бу ачинарли, чунки мен ажойиб теннис намойиш этаётганимизни ҳис қилардим ва давом эттиришни хоҳлардим.
Кейинроқ ғалаба қозониш қийин бўлишини, бу ҳолатимда мақсадга етиш деярли имконсиз эканлигини тушундим, аммо чиқиб кетишни хоҳламадим — Майя ҳақиқий ғалабани қўлга киритишини истагандим», — дея Швёнтекнинг сўзларидан иқтибос келтиради WTA матбуот хизмати.
