Portugaliya milliy jamoasi himoyachisi Nunu Mendesh JCH-2026da yaratilgan yaqqol golli vaziyatlar soni bo‘yicha barcha himoyachilar orasida yetakchilik qilmoqda.
Squawka ma'lumotiga ko‘ra, 23 yoshli futbolchi turnir davomida jamoadoshlari uchun 4 ta yaqqol gol urish imkoniyatini yaratgan va bu himoyachilar orasidagi eng yaxshi natija hisoblanadi.
Bundan tashqari, Mendesh ushbu mundialda o‘z nomiga ham gol yozdirishga muvaffaq bo‘ldi. U guruh bosqichining 2-turida O‘zbekiston milliy jamoasiga qarshi bahsda (5:0) 17-daqiqada jarima zarbasidan to‘g‘ridan-to‘g‘ri gol urgan edi.
Eslatib o‘tamiz, Portugaliya milliy jamoasi JCH-2026 1/8 finalida Ispaniya milliy jamoasiga qarshi maydonga tushadi.
Ma'lumot uchun, ushbu uchrashuv 6 iyul kuni AQSHning Arlington shahridagi AT&T Stadiumda bo‘lib o‘tadi. Turnir finali esa 19 iyulga belgilangan.
