Португалия миллий жамоаси ҳимоячиси Нуну Мендеш ЖЧ-2026да яратилган яққол голли вазиятлар сони бўйича барча ҳимоячилар орасида етакчилик қилмоқда.
Squawka маълумотига кўра, 23 ёшли футболчи турнир давомида жамоадошлари учун 4 та яққол гол уриш имкониятини яратган ва бу ҳимоячилар орасидаги энг яхши натижа ҳисобланади.
Бундан ташқари, Мендеш ушбу мундиалда ўз номига ҳам гол ёздиришга муваффақ бўлди. У гуруҳ босқичининг 2-турида Ўзбекистон миллий жамоасига қарши баҳсда (5:0) 17-дақиқада жарима зарбасидан тўғридан-тўғри гол урган эди.
Эслатиб ўтамиз, Португалия миллий жамоаси ЖЧ-2026 1/8 финалида Испания миллий жамоасига қарши майдонга тушади.
Маълумот учун, ушбу учрашув 6 июл куни АҚШнинг Арлингтон шаҳридаги «AT&T Stadium»да бўлиб ўтади. Турнир финали эса 19 июлга белгиланган.
