Испания терма жамоаси ҳужумчиси Микель Оярсабал жаҳон чемпионати 1/8 финалида Португалияга қарши бўладиган баҳс олдидан ўз фикрлари билан ўртоқлашди.
«Бу элита даражасидаги жамоа, ажойиб футболчиларга эга супер жамоа. Биз уларни жуда ҳурмат қиламиз, лекин, албатта, қўрқмаймиз.
Ўз кучимизга ишонамиз ва исталган рақиб билан тенг кураша олишимизга аминмиз. Буни сўнгги йиллар давомида бир неча бор исботлаганмиз.
Олдимиздаги учрашувга имкони борича яхши тайёрланишга ҳаракат қиламиз. Рақибни таҳлил қиламиз, видеоларни кўриб чиқамиз ва тактик режамизни белгилаймиз.
Менимча, энг муҳими — ўз ўйинимизга эътибор қаратиш ва яқинда намойиш этган футболимизни яна такрорлашга интилиш», — деди Оярсабал Marca нашрига.
Эслатиб ўтамиз, Португалия ва Испания беллашуви 6 июн куни Тошкент вақти билан соат 23:59да старт олади.
