Мазкур баҳс якунлангач, Криштиану жаҳон чемпионатлари тарихида яна бир тарихий рекордни қайд этди.
Иккинчи бўлим бошида хорватияликлар ҳисобни очди, лекин 68-дақиқада рақиб «Ан Наср» форвардининг пеналтидан урган голи эвазига мувозанатни тиклади. Асосий вақтга қўшиб берилган дақиқаларда Гонсалу Рамуш яна бир гол уриб, якуний ҳисобни қайд этди.
Ўйиннинг энг яхши футболчисига аталган соврин 41 ёшли Роналдуга насиб қилди.
MisterChip маълумотларига кўра, Криштиану – жаҳон чемпионатлари плей-офф босқичида ўйиннинг энг яхши футболчиси бўлган энг ёши катта ўйинчига айланди. Португалиялик рейтингда Оливе Жируни (36 ёш) ортда қолдирди, 35 ёшида бу номга лойиқ кўрилган Лионел Месси ҳам бу борада рақибидан ортда қолган.
Эслатиб ўтамиз, Криштиану Роналду ушбу мундиалда 3 та гол уришга эришди.
