Португалия миллий жамоаси ҳужумчиси Криштиану Роналду ўз келажаги ҳақида фикр билдирди.
Аввалроқ португалиялик юлдузнинг опаси Катя Авейру ҳужумчи ЖЧ-2026дан сўнг миллий жамоадаги фаолиятини якунлашини айтганди.
«Ҳозир келажагим ҳақида гапиришнинг аҳамияти йўқ. Бу ҳақда кейинроқ айтаман. Ғалаба ёки мағлубиятдан кейин оилам билан маслаҳатлашаман ва энг тўғри қарорни қабул қиламан. Мен энди ҳеч қандай қарорни қизиққонлик билан қабул қилмайман. Ҳамма нарса хотиржамлик билан ҳал этилади. Ҳозир эса бугунги лаҳзалардан завқланиш керак», — деди Роналду Хорватияга қарши беллашувдан сўнг.
