Portugaliya milliy jamoasi hujumchisi Krishtianu Ronaldu o'z kelajagi haqida fikr bildirdi.
Avvalroq portugaliyalik yulduzning opasi Katya Aveiru hujumchi JCH-2026dan so'ng milliy jamoadagi faoliyatini yakunlashini aytgandi.
«Hozir kelajagim haqida gapirishning ahamiyati yo'q. Bu haqda keyinroq aytaman. G'alaba yoki mag'lubiyatdan keyin oilam bilan maslahatlashaman va eng to'g'ri qarorni qabul qilaman. Men endi hech qanday qarorni qizg'inlik bilan qabul qilmayman. Hamma narsa xotirjamlik bilan hal etiladi. Hozir esa bugungi lahzalardan zavqlanish kerak», — dedi Ronaldu Xorvatiyaga qarshi bellashuvdan so'ng.
