Роналду Жаҳон чемпионатидан сўнг Португалия миллий жамоасидаги фаолиятини якунлайди

Криштиану Роналдунинг опаси Катя Авейру ҳужумчи 2026 йилги Жаҳон чемпионатидан кейин Португалия миллий жамоасидаги фаолиятини якунлашини тасдиқлади.

Португалик ЖЧ-2026 1/16 финалида Хорватияга қарши майдонга тушади. Беллашув Тошкент вақти билан 3 июл тонгида, соат 04:00да бошланади. 41 ёшли ҳужумчи беллашувни асосий таркибда бошлайди.

«Билишимча, у хайрлашиши мумкин. Айнан бугун эмас, лекин менимча, якун яқин. Гап миллий жамоа ҳақида кетяпти. Ишончли манбамнинг айтишича, Жаҳон чемпионати унинг мундиалдаги сўнгги рақс бўлади.

Футболни яхши кўрадиган ҳар қандай ақлли инсон Роналдуга ҳавас қилиши керак. У 20 йилдан ортиқ вақт давомида энг юқори даражада ўйнаб келмоқда. Бизнинг Авейру оиламиз бугун қаердалигини ва аслида қаердан чиққанимизни қаранг. Онамиз қандай қийинчиликларни бошдан кечирганини эсланг... Танқидлар бизнинг бахтимизга таъсир қилади, деб ўйлайсизми? Асло!

Энг муҳими — бирга ўтказган 20 йилдан зиёд вақтдан завқланиш. Ундан ниҳоятда фахрланаман. Қатарда ҳам унинг ёнида эдим, ҳозир ҳам шу ердаман. Бу — улкан ғурур. Ишонаманки, якунда биз табассум қиламиз. У ўзига ишонади, биздек ҳаяжонланмайди. Унда куч ва ишончни ҳис қиламан. Бу биз, мухлисларни ҳам хотиржам қилади. Унга ишонишимиз мумкин», — деди Катя Авейру Португалиянинг SportTV телеканали эфирида.