Шерки ЖЧ вақтида уйқусизликдан азият чекмоқда

Франция миллий жамоаси яримҳимоячиси Райан Шерки ЖЧ-2026 вақтида уйқусизликдан азият чекмоқда, деб ёзади L’Equipe.

Аввалроқ футболчи Швецияга (3:0) қарши ўйиндан кейин бош мураббий Дидие Дешамни намойишкорона эътиборсиз қолдирганди.

Футболчига яқин инсонларнинг айтишича, унинг бу ҳаракати ички тушкунликнинг ифодаси бўлган. Шахсий ҳаётидаги муаммолар сабабли вингер уйқу бузилиши ва асабий зўриқишни бошдан кечирмоқда. У захирадан майдонга тушиб, яхши ўйин орқали кайфиятини кўтаришни истаган, аммо бунинг уддасидан чиқолмаган. Мураббийлар штаби эса юзага келган вазиятга тушунишга ҳаракат қилмоқда.

Жаҳон чемпионатида Шерки ҳозиргача қўшимча вақтларни ҳисобга олмаганда атиги 55 дақиқа майдонда ҳаракат қилди ва бирор марта ҳам асосий таркибда майдонга тушмади. L’Equipe таъкидлашича, Райаннинг ўзи ҳам ҳозирги вазият ва рақобатчиларининг формасини ҳисобга олганда мунтазам ўйин амалиётига умид қила олмаслигини яхши тушунади.

Килиан Мбаппе, Усмон Дембеле ва Маркус Тюрам жамоадошини қўллаб-қувватлаб, унга вақти албатта келиши, айниқса миллий жамоа иккинчи бўлимларда қийинчиликка дуч келганда унга имконият берилишини айтишмоқда.