1995 йилги «Олтин тўп» соҳиби Жорж Веанинг фикрича, ҳозирча Ламин Ямални Килиан Мбаппе билан таққослаб бўлмайди.
Франция миллий жамоаси ҳужумчиси 2026 йилги Жаҳон чемпионатининг 1/16 финалида Швецияга қарши ўйинда дубл қайд этди ва жамоасининг 3:0 ҳисобидаги ғалабасига ҳисса қўшди. Турнир давомида у 6 та гол урди ва 2 та голли узатмани амалга оширди.
«Мбаппе — ҳақиқий феномен. У — жуда яхши футболчи ва ажойиб тўпурар.
Ламин Ямал эса ҳали ёш йигит, шунинг учун уни Килиан Мбаппе билан таққослаш тўғри эмас. Мбаппе — феномен, Ямал эса ҳали ўсиш жараёнида.
Ламин Ямалнинг янада ривожланишига умид қиламан, аммо уни Мбаппе билан таққослаб бўлмайди. Ҳамма биладики, ҳозирча Мбаппе анча кучли», — деди Веа El Chiringuito телеканали эфирида.
