«Атлетико» президенти Энрике Сересо яна бир бор клуб Хулиан Алварес билан хайрлашиш ниятида эмаслигини маълум қилди.
Аввалроқ Аргентина миллий жамоасининг 26 ёшли ҳужумчиси клубни тарк этиш истагини билдириб, шундай деганди: «Менимча, барча учун энг яхши йўл — трансфер. Орзумни амалга оширишни хоҳлайман».
Шунингдек, Алваресга «Барселона» қизиқиш билдираётгани ҳақида хабарлар тарқалганди.
«Унинг сўзлари биз учун кутилмаган бўлди. Шунинг учун биз ўз позициямизни аниқ баён қилдик: Хулиан — «Атлетико» футболчиси ва бизга у бўйича ҳеч қандай расмий таклиф келиб тушмаган. Таклифлар бўлган тақдирда ҳам, биз уни сотишни истамаймиз», — деди Сересо RNE радиоси берган интервюда.
«Атлетико» президенти: «Алваресни сотмаймиз»
Футбол
1 июл, 19:55
Сересо аргентиналик ҳужумчи борасида таклиф тушмаганини маълум қилди.
Foto: Getty Images
