Белгия миллий жамоаси бош мураббийи Руди Гарсия 2026 йилги жаҳон чемпионати 1/16 финал босқичида Сенегалга қарши ўйин (3:2)дан сўнг ўз фикрларини билдириб ўтди.
«Футболда ишонч бўлса, ҳамма нарсанинг иложи бор. Бу жамоанинг кучи фақат асосий таркибда эмас, балки захирадан майдонга тушадиган футболчиларда ҳам. Чунки фақат 11 нафар футболчи билан натижага эришиб бўлмайди.
Биз биринчи бўлимнинг иккинчи ярмидан бошлаб керакли ўзгаришларни амалга оширдик. Ҳужумларни якунловчи узатмаларни дарвозадан ортиқча узоқда бераётгандик, бундай қилишнинг ҳожати йўқ эди.
Бу камчиликни тўғриладик ва ўйинимиз анча яхшиланди, гарчи иккинчи голни ўтказиб юборган бўлсак ҳам», — деди Гарсия FIFA расмий сайтига берган интервюсида.
Маълумот ўрнида, Белгия миллий жамоаси 2026 йилги жаҳон чемпионати нимчоракфинал босқичида АҚШ — Босния ва Ҳерцеговина учрашуви ғолибига қарши майдонга тушади.
