Белгия миллий жамоаси дарвозабони Тибо Куртуа ЖЧ-2026 1/16 финалида Сенегал устидан қозонилган 3:2 ҳисобидаги иродали ғалабага изоҳ берди.
«Жуда оғир баҳс бўлди. Ўйин давомида 0:2 ҳисобида ортда бораётган эдик, аммо ўзимизга бўлган ишончни йўқотмадик. Футболда битта гол ҳам учрашув тақдирини бутунлай ўзгартириб юбориши мумкин. Бу сафар ҳаммаси бизнинг фойдамизга ҳал бўлди. Жамоам билан фахрланаман», — деди Куртуа.
Эслатиб ўтамиз, Белгия миллий жамоаси асосий вақт якунланишига оз қолганида 0:2 ҳисобида мағлуб бўлаётганига қарамай, ҳисобни тенглаштирди ва қўшимча бўлимларда 3:2 ҳисобида ғалаба қозонди.
Маълумот учун, Руди Гарсия шогирдлари ЖЧ-2026 1/8 финалида АҚШ миллий жамоасига қарши майдонга тушади.
