Белгия миллий жамоаси ҳужумчиси Ромелу Лукаку ЖЧ-2026 1/16 финалида Сенегалга қарши баҳсда (3:2) нима сабабдан ҳал қилувчи пеналтини ўзи тепмаганига изоҳ берди.
Учрашувнинг 125-дақиқасида сенегаллик футболчиларнинг эътирозлари сабаб юзага келган танаффус вақтида Лукаку тўпни қўлига олиб, пеналтини амалга оширишга тайёргарлик кўрганди. Бироқ якунда у зарба бериш ҳуқуқини жамоа сардори Юри Тилемансга топширди. Яримҳимоячи пеналтини аниқ амалга ошириб, Белгияга ғалаба келтирди.
«Ҳа, мен пеналти тепмоқчи эдим. Аммо руҳий жиҳатдан бундай мураккаб ва ҳал қилувчи вазиятга тайёр эмаслигимни ҳис қилдим. Шу сабабли зарбани Юрига ишониб топширдим. Жамоа ҳамма нарсадан устун», — деди Лукаку.
Эслатиб ўтамиз, Белгия миллий жамоаси Сенегални қўшимча бўлимларда 3:2 ҳисобида мағлуб этиб, ЖЧ-2026 1/8 финалига йўл олди.
Маълумот учун, Руди Гарсия шогирдлари мундиалнинг кейинги босқичида АҚШ миллий жамоасига қарши майдонга тушади.
