«Арсенал» ҳужумчиси Виктор Гокереш фаолиятини Испанияда давом эттириши мумкин.
ElNacional.cat хабарига кўра, «Барселона» швециялик форвардга бўлган қизиқишини яна тиклаган. Футболчининг ўзи ҳам ўтган мавсум «Арсенал» сафида мунтазам асосий таркибда майдонга тушмагани сабаб Каталония клубига ўтишга тайёр.
Манба маълумотига кўра, эҳтимолий трансфер қиймати 60 миллион еврони ташкил қилиши мумкин.
Гокереш 2025 йилда «Спортинг»дан «Арсенал»га 67 миллион евро эвазига кўчиб ўтган. Унинг Лондон клуби билан амалдаги шартномаси 2030 йил 30 июнгача амал қилади.
Эслатиб ўтамиз, Виктор Гокереш 2025/26 йилги мавсумда «Арсенал» сафида барча мусобақаларда 55 та учрашувда майдонга тушиб, 21 та гол урди ва 3 та голли узатмани амалга оширди.
Маълумот учун, Гокереш сўнгги йилларда Европадаги энг сермаҳсул ҳужумчилардан бири сифатида эътироф этилмоқда.
