Англия миллий жамоаси ҳужумчиси Ҳарри Кейн ЖЧ-2026 1/16 финалида Конго ДРга қарши баҳсда (2:1) дубл қайд этиб, миллий жамоа сафидаги голлари сонини 84 тага етказди.
Шу тариқа, 32 ёшли форвард миллий жамоалар тарихидаги энг яхши тўпурарлар рўйхатида афсонавий венгриялик Ференс Пушкашга етиб олди. Кейн бу натижага 118 та ўйинда эришган бўлса, Пушкаш 84 та голни 85 учрашувда урган.
Энди англиялик ҳужумчининг навбатдаги мақсади — БАА миллий жамоаси собиқ ҳужумчиси Али Мабхутнинг 85 голлик натижасини ортда қолдириш.
Эслатиб ўтамиз, Ҳарри Кейн ЖЧ-2026 1/16 финалида Конго ДР дарвозасига иккита гол уриб, Англияни турнирнинг кейинги босқичига олиб чиқди.
Маълумот учун, миллий жамоалар тарихидаги энг яхши тўпурарлар рўйхатини Криштиану Роналду 145 гол билан бошқариб бормоқда. Иккинчи ўринда Лионел Месси (123), учинчи поғонада эса Али Дайи (108) жойлашган.
