Австрия миллий жамоаси ҳужумчиси Марко Арнаутович Испанияга қарши ЖЧ-2026 1/16 финалидаги беллашувдан сўнг ўз фикрларини билдирди.
«Агар рақиб кучлироқ бўлса ва ишончли ғалаба қозонса, буни тан олиш керак. Менимча, агар биринчи голни биз урганимизда, ўйин бошқача кечиши мумкин эди.
Испанияга катта ҳурмат билан қарайман. Бу ажойиб жамоа ва, шубҳасиз, ушбу жаҳон чемпионатининг асосий фаворитларидан бири.
Аммо йигитлар жуда ҳам хафа бўлмасликлари керак. Бошингизни баланд тутинг — биз яна тарих ярата олдик», — дея Арнаутовичнинг сўзларидан келтиради FIFA расмий сайти.
