«Милан» клуби ҳужумчи Рафаэл Леауни сотиб юборишга тайёр. Бу ҳақда инсайдер Жанлука Ди Марцио хабар берди.
Манбага кўра, «россонерилар» португалиялик 27 ёшли футболчининг трансферидан 50-60 миллион евро ишлаб олишни режалаштирмоқда.
Жаҳон чемпионати якунланганидан сўнг «Милан» раҳбарияти футболчи билан учрашади ва унинг келажаги борасида биргаликда бир қарорга келишади.
Аввалроқ Леаунинг ўзи спортчилик фаолиятида янги босқични бошлаш — Италиядан ташқарига кўчиб ўтиш истаги борлигини билдирган эди.
Футболчининг «Милан» билан амалдаги шартномаси 2028 йилнинг ўрталарига қадар мўлжалланган.
